iPhone影螢火蟲？Slow Shutter Cam教學！去沙螺洞大埔滘前必睇！

大家好，我係大男孩，今日教大家用iPhone 慢快門app去影螢火蟲。


其實近年iPhone相機之進步已經令好多人放棄左帶相機出街，好多攝影題材都可以用手機代替相機，我在另一篇文章講過點樣用手機影紅葉，睇完呢篇有興趣可以去睇睇。

影螢火蟲唔使用相機，用iPhone慢快門app就得啦。趁香港夏天出發去沙螺洞，大埔滘或大帽山影螢火蟲，都要知道點影。

iPhone加慢快門相機app，原來可以拍螢火蟲照片，今次用呢個app係Slow Shutter Cam，可以拍攝慢速快門相片，是手機拍夜景必裝app，掌握好iPhone慢快門技巧，其實可以影得到好多唔同題材既靚相。

不如先睇吓幾張靚相先啦，用iPhone 11影既：

文章末端仲有其他靚相:)

鍾意睇片嘅話，可以直接睇我呢條YouTube教學片：

用iPhone去影螢火蟲好簡單，你只需要四樣嘢：

  1. 有準備，長衫長褲，防蚊用品，日落時分前到達目的地
  2. 有器材，三腳架穩定手機防震，慢快門app用作長時間曝光
  3. 有耐性，因為螢火蟲唔會長期發光，一張隨時要等10零20分鐘
  4. 有技巧，適當地設定個app達到你想要嘅效果

今次我用嘅手機就係呢部iPhone 11


而個慢快門app叫Slow Shutter Cam: https://apps.apple.com/us/app/slow-shutter-cam/id357404131

呢個係收費嘅，我覺得好好用，但唔一定用呢個，Feel free去搵個免費嘅。


拍攝設定超簡單，選擇Light Trail模式，Light Sensitivity揀Full，Shutter Speed揀Bulb（即係自己選擇快門打開時間，撳一下開，再撳一下就閂），最後ISO就要睇情況，自己根據屏幕顯示嘅光暗度去調教，建議由100開始，在自己加加減減。

之後入去系統設定，將Self Timer設定1秒，咁你撳掣完撳佢會1秒後先影，唔怕撳掣時揸唔到部相機。

之後就撳掣開始影，然後就係等........屏幕會顯示實時記錄到嘅螢火蟲飛行軌跡（睇上面條片可以見到實際操作嘅情況）睇上面段片可以見到實際操作嘅情況，到你覺得影到足夠螢火蟲嗰時，撳多次掣就會閂快門，咁就搞掂一張，就係咁簡單。

希望你鍾意呢個分享，記得同我share你影嘅相喎，下次見啦，拜拜。





Location: New Jersey, USA